विहिबार, पौष २५, २०८१
काफलडाँडाकी कुसुम पाईजा परिवारदेखि सम्पर्क विहिन
म्याग्दी । म्याग्दीको अन्नपूर्ण गाउँपालिका –८ काफलडाँडा सिरवारी हाल बेनी निवासी कुसुम पाईजा विगत ३ दिन देखि सम्पर्क विहिन बन्नुभएको छ ।
साउन २७ गते साँझ ८ बजे तिर बेनीको क्याम्पसचोक स्थित घरबाट बाहिर निस्किएकी कुसुम अझै सम्म परिवारको सम्पर्कमा आउनुभएको छैन ।
बेनी सामुदायिक माविमा कक्षा १० मा अध्ययनरत १५ बर्षीय कुसुम विगत केहि समयदेखि सामान्य विरामी समेत हुनुभएको थियो । कुसुम जान सक्ने सम्भावित सवै ठाउँहरुमा सम्पर्क गरि खोजि कार्य जारी राखिएको उहाँकी दिदी उमा पाईजाले बताउनुभयो ।
‘त्यो दिन विरामी भएर बहिनी घरमा सुतिरहेको थियो, साँझ कति बेला निस्किएछ, पछि कोठामा बोलाउन जाँदा थिएन, सवैतिर खोजेका छौँ, कतैपनि सम्पर्क भएको छैन’, उमाले भन्नुभयो ।
कुसुमको खोजि गरिदिन परिवारले प्रहरीमा समेत निवेदन दिएको छ । प्रहरीले समेत खोजी कार्य जारी राखेको छ । गुहुँ गोरो बर्ण भएको, कानमा झुम्का लगाएको, दायाँ हातमा चाँदी र तामाको बाला लगाएको, बायाँ हातमा कालो घडि लगाएको हुलिया भएकी कुसुमलाई जोकसैले देखेभेटेमा खबर गर्न समेत परिवारले अपिल गरेको छ ।
सम्पर्कका लागि दिदी उमा पाईजा ९७४८४०२५५० र दाई तिजन पाईजा ९८६७६९०२३२
Related posts
