म्याग्दी । गण्डकी प्रदेशमा आयोजना हुन गइरहेको नवौ राष्ट्रिय खेलकुद प्रतियोगीता अन्तर्गत राष्ट्रिय महिला भलिबल र तेक्वान्दो खेल म्याग्दीमा संचालन हुने भएको छ । बुधबार राष्ट्रिय खेलकुद परिषदले सार्वजनिक गरेको खेल तालिका अन्तर्गत आगामी असोज २८ देखि कार्तिक २ गते सम्म महिला भलिबल र असोज २७ देखि कार्तिक २ गते सम्म तेक्वान्दो प्रतियोगिता बेनीमा संचालन गरिने भएको जिल्ला खेलकुद विकास समितिका अध्यक्ष दिनेश केसीले जानकारी दिनुभयो ।

राष्ट्रिय महिला भलिबल खुल्लामञ्चमा र तेक्वान्दो खेल कवर्डहलमा संचालन गरिने छ । राष्ट्रिय खेलकुदको नवौँ सस्करण सम्म आईपुग्दा म्याग्दीलाई पहिलो पल्ट राष्ट्रिय खेल संचालन गर्ने अवसर प्राप्त भएको अध्यक्ष केसीले बताउनुभयो ।

राष्ट्रिय महिला भलिबलको टिम क्याप्टेन अरुणा शाही जन्मेको जिल्लाले पहिलो पल्ट राष्ट्रिय खेल संचालन गर्ने मौका पाएको छ, यो समग्र जिल्लाकै लागि गर्वको विषय हो, अध्यक्ष केसीले भन्नुभयो ।
उहाँका अनुसार खेलाडी तथा अफिसियलहरुलका लागि होटल व्यवस्थापन, खेल संचालनका लागि खुल्लामञ्च तथा कवर्डहल व्यवस्थापनका कार्य तथा प्रचार प्रसार सहित आवश्यक तयारी सुरु गरिएको छ ।

दुवै खेलमा ७ वटा प्रदेश, तीन वटा विभागीय र एनआरएनए गरि ११ वटा समुहको सहभागीता रहने छ । म्याग्दी जिल्ला भलिबल संघका अध्यक्ष समेत रहनुभएका भलिबल प्रशिक्षक तेजेन्द्र बानियाँले म्याग्दी जिल्लामा राष्ट्रिय महिला भलिबल खेल परेकोमा खुसी व्यक्त गर्नुभएको छ । ‘राष्ट्रिय खेलाडी उत्पादन गरेको जिल्लामा राष्ट्रिय खेल खेलाउन पाएका छौँ, सवै जिल्लाबासी मिलेर प्रतियोगिता सफल बनाउनुपछर्, बानियाँले भन्नुभयो ।

प्रतियोगितामा खेलाडी र अफिसियल गरिव ५ जना जिल्ला बाहिरबाट आउने छन । अध्यक्ष केसीले प्रतियोगितालाई भव्यताका साथ सम्पन्न गराउनका लागि जिल्लाका स्थानीय तह, संघ संस्था, भलिबल संघ, तेक्वान्दो संघ, क्लवहरु लगायत जिल्लाबासीहरुमा आवश्यक सहयोगको आव्हान समेत गर्नुभएको छ ।

Related posts

लोक दोहोरी प्रतिष्ठानद्वारा कपडा बैंकलाई लत्ताकपडा सहयोग

बेनीको कालिपुल बसपार्कमा निर्माण भएको टर्मिनल भवन उद्घाटन

मालिकाको आगामी आर्थिक वर्षको बजेट ४८ करोड १८ लाख ३६ हजार

बेनी अस्पतालको अध्यक्षमा सुवेदी

मनिपाल प्रशासनको तालाबन्दी ३१ औं दिनमा खुल्यो, लुटतन्त्र विरुद्ध अनेरास्ववियुको पहल सार्थक