बुधबार, पौष २४, २०८१
मल्लाज जादै गरेको बोलेरो जीप दुर्घटनाः चालकको मृत्यु, १४ जना घाईते
पर्वत । जलजला गाउँपालिका– ३ पर्वत बेनीबाट मल्लाज जार्दै गरेको ग १ ज ५२९६ नम्वरको बोलेरो जीप बुधबार दुर्घटना हुदाँ चालकको मृत्यु भएको छ भने १४ जना घाईते भएका छन् । दुर्घटनामा परेर सक्त घाइते भएका जीपका चालक ३७ बर्षका डम्मरबहादुर नेपालीको उपचारको क्रममा मृत्यु भएको बेनी अस्पतालका सूचना अधिकारी रिन्छेन चालिसेले जानकारी दिनुभएको छ ।
जलजला गाउँपालिका वडानम्वर २ पर्वत बेनीबाट मल्लाज जार्दै गरेको जीप दुर्घटनामा सवार १४ जना घाईतेमध्ये पाँच जनालाइ पोखरा रिफर गरिएको छ भने आठ जना लाई म्याग्दीको बेनी अस्पतालमा उपचार गरिएको छ ।
बेनी अस्पतालमा प्राथमिक उपचारपछि १५ बर्षका आशिष नेपाली, ३० बर्षका सुमन नेपाली, ४० बर्षकी माया दमाई, १२ बर्षकी सजना परियार र १४ बर्षका सज्जन परियारलाई थप उपचारका लागि मणिपाल अस्पताल पोखरा पठाईएको छ ।
घाइतेमध्ये जलजला गाउँपालिका २ का रोशनसिंह रत्न,रोचनसिंह रत्न, सन्देश रत्न, अजित परियार प्रियंका बोहरा र बागलुङ घर भएका नविन बर्देवा उपचार पश्चात घर फर्कनुभएको छ भने सपना परियार, विनिता परियार , यशोदा परियार बेनी अस्पतालमा भर्ना भएर उपचार गराईरहनुभएको बेनी अस्पतालले जनाएको छ । जनप्रतिनिधि, प्रहरी र स्थानीयले जीप दुर्घटनामा घाईतेलाई उद्वार गरी बेनी अस्पताल ल्याएका थिए ।
Related posts
