बुधबार, पौष २४, २०८१
गायक किरण पुनको ‘मेरो आँखामा तिमी’ ले संगीतप्रेमीहरुको मन जित्दै
म्याग्दी । म्याग्दी जिल्लामा जन्मिएर राष्ट्रिय स्तरमा पहिचान बनाउन संर्घषरत गायक किरण पुनको नयाँ गीत मेरो आँखामा तिमीले संगीतप्रेमीहरुको मन जित्दै गएको छ । गायक पुन र अनु चौधरीको स्वरमा रहेको गीतको शव्द तथा संगीत गायक स्वयमले नै गर्नुभएको हो ।
दुइहप्ता अगाडि भावना म्युजिक युटुव च्यानलबाट सार्वजनिक भएको गीतले टिकटक तथा युटुवमा समेत दर्शक श्रोतामा लोकप्रीय बन्दै गएको छ । रमेश सेन्चुरीले एरेन्ज गर्नुभएको गीतको अडियो मारुनी डिजिटलमा रेकर्ड गरिएको हो ।
चर्चित मोडल विमल अधिकारी र चाँदनी स्लियाको अभिनयमा रहेको म्युजिक भिडियो निर्देशन मदन खड्काले गर्नुभएको हो । मेरो आँखामा तिमी, मेरो मनमा तिमी, मेरो विश्वास हौ तिमी, मेरो जीवन हौ तिमी, साँचो माया गर्नेहरुमा समर्पित गीतले मायालु जोडिहरुको मनका भावहरु व्यक्त गरेको छ ।
भिडियो
https://www.youtube.com/watch?v=baDODRLbYws&pp=ygUSa2lyYW4gcHVuIG5ldyBzb25n
गीत संगीतमा तल्लीन रहेका गायक पुनले चोखो माया गर्नेहरु प्रति समर्पित रहेर नयाँ सांगीतिक कोसेली मेरो आँखामा तिमी प्रस्तुत गरेको बताउनुभयो । गीतले विस्तारै दर्शकहरुको माया बटुल्दै गएको छ, गायक पुनले भन्नुभयो, “मेरो भगवानरुपी दर्शकहरुले देखाउनुभएको माया प्रति म आभारी छु” ।
संगीतलाई नै रुची र पेशा दुवै बनाएर अगाडि बढिरहेका पुनले यस अघि पनि धेरै गीतहरु सांगीतिक बजारमा ल्याईसक्नुभएको छ । उहाँका अगेनामा चुल्हो, आकाशमा तारा, सरी नभन, तिम्रो आँसु, मलाई प्यारो लाग्छ मेरो देश, यो मनले रोज्यो लगायतका गीतहरु प्रस्तुत भईसकेका छन ।
जिल्लाका मेला महोत्सवहरुमा रोजाईको कलाकारको रुपमा रहेका पुनले संगीत संग मन जोडिएकाले टाढा हुन नसक्ने बताउनुभयो । दर्शकको चाहना अनुसारका गीतहरु प्रस्तुत गर्ने क्रममै छु, हाल पोखरा बस्दै आउनुभएका पुनले भन्नुभयो, अव अर्को नयाँ गीतको काम छिट्टै नै सुरु हुन्छ । उहाँले मेरो आँखामा तिमी बोलको गीतलाई प्रशस्तै माया गरिदिन सम्पूर्ण दर्शक श्रोताहरुलाई सविनय अुनरोध समेत गर्नुभएको छ ।
Related posts
