बुधबार, पौष २४, २०८१
म्याग्दी महोत्सवमा नायक पल शाह आउने
म्याग्दी । आठौँ म्याग्दी महोत्सव एवम् माघे संक्रान्ति मेलामा चर्चित नायक पल शाह आउनुहुने भएको छ । म्याग्दी उद्योग वाणिज्य संघको मुल आयोजनामा यहि पुस २८ देखि सुरु हुने आठौँ म्याग्दी महोत्सव एवम् माघे संक्रान्ति मेला तथा प्रदेश स्तरीय कृषि, पर्यटन, औद्योगिक व्यापार मेलामा प्रस्तुतीका लागि नायक पल शाहलाई आमन्त्रण गरिएको म्याग्दी उद्योग वाणिज्य संघका अध्यक्ष सुविन श्रेष्ठले जानकारी दिनुभयो ।
पुस २९ गते साँझ नायक पल शाहको प्रस्तुती रहनेछ । उहाँले आफुले अभिनय गरेका केही हित गीतहरुमा अभिनय तथा डान्स गर्नुहुने कार्यक्रम रहेको छ । ३० देखि ४५ मिनेट सम्म स्टेजमा पल शाहको प्रस्तुती रहने अध्यक्ष श्रेष्ठले बताउनुभयो । रियल हिरोको उपमा समेत पाउनुभएका नायक शाह पछिल्लो समय देशभर संचालित मेला महोत्सवमा मुख्य आकर्षणको रुपमा व्यस्त हुनुहुन्छ ।
म्युजिक भिडियोबाट सिने क्षेत्रमा प्रवेश गर्नुभएका नायक पल शाहका म यस्तो गीत गाउँछु, जोनी जेन्टलमेन्ट, लगायतका फिलिमहरु हिट भएका छन । नायक शाहले अभिनय गरेका तिमी र म जाम माया कही टाढा, सुर्ति माड्दै माड्दै गयो जोवान, मत ढले ढले, मायालाई पानको पात लगायतका लोक दोहोरी गीतहरुले निकै नै चर्चा पाएका छन ।
चलचित्र म यस्तो गीत गाउँछु २ मा समावेश तिम्रो घरको वरीपरी म वसेको त्यसै होर बोलको गीत, को होला त्यो म संग आँखा जुधाउने लगायतका लोक पप गीतहरुमा पनि नायक शाहले स्टेज प्रस्तुती दिदै आउनुभएको छ ।
नायक पल शाह बेनीमा पहिलो पटक आउन लाग्नुभएकाले पनि दर्शकहरुको उत्साहजनक उपस्थिति रहने अनुमान गरिएको म्याग्दी उद्योग वाणिज्य संघका वरिष्ठ उपाध्यक्ष तथा कलाकार संयोजक राजेश शाक्यले बताउनुभयो ।
Related posts
