म्याग्दी  । आसन्न स्थानीय तहको निर्वाचनका लागि नेकपा माओवादी केन्द्रले रघुगंगा गाउँपालिकाको पाँचवटा वडामा उम्मेदवारको टुंगो लगाएको छ । वडा कमिटीको बैठकबाट वडा नम्बर १ बेगखोला, २ भगवति, ४ दग्नाम, ६ पाखापानी र ८ कुइनेमंगलेमा सर्वसम्मत रुपमा वडा अध्यक्षका उम्मेदवारहरुको टुंगो लगाइएको हो ।

माओवादी केन्द्रबाट बेगमा भविन्द्र शेरपुञ्जा, भगवतीमा नरबहादुर भण्डारी, दग्नाममा बि प्रसाद पुन, पाखापानीमा सन्तोष विक र कुइनेमंगलेमा चित्र घर्तिलाई वडा अध्यक्षको उम्मेदवार छनोट गरिएको नेकपा माओवादी केन्द्र रघुगंगा गाउँपालिका कमिटीका अध्यक्ष हरि भण्डारीले जानकारी दिनुभयो । उहाँका अनुसार, सबै वडामा वडा सदस्यका उम्मेदवारहरुको समेत चयन गरिसकिएको छ ।

वडा नम्बर ३ पिप्लेमा भने माओवादीबाट वडा अध्यक्षका प्रत्यासीहरुमध्ये वडा कमिटीबाट चार जनाको नाम सिफारिस भएकोमा गाउँपालिका कमिटीमा छलफल गरि रेशम कटुवाल र नारायण सुवेदीको नाम पार्टीको जिल्ला समन्वय समितिमा सिफारिस गरिएको छ ।

माओवादीबाट पिप्लेमा वडा अध्यक्षका प्रत्यासी सुवेदी पार्टीको वडा कमिटी अध्यक्ष र कटुवाल अखिल क्रान्तिकारीको जिल्ला अध्यक्ष एमव् केन्द्रिय सदस्य हुनुहुन्छ । रघुगंगाको अन्य दुई वडामा समेत छिट्रै वडा अध्यक्षका उम्मेदवारको टुंगो लगाउने जनाईएको छ ।

सत्तारुढ गठबन्धनका मूख्य दलहरु काँग्रेस र माओवादीविच जिल्लामा भागबन्डा नमिल्दा दुई दल विच दुरी बड्दै जान थालेको छ । गठबन्धनबाट अलग हुनुपर्ने अवस्थालाई समेत पूर्वानुमान गरि माओवादीले आफ्नो तयारी स्वरुप उम्मेदवार चयनलाई जिल्लाभर तिव्रताका साथ अगाडि बढाईरहेको छ ।

Related posts

डाँडाखेत, बगुवाखोला र छापमा एमालेको चुनावी सभा

पात्लेखेतमा नयाँ बर्ष तथा भुमेपूजा मेला सुरु

लोक दोहोरी प्रतिष्ठानले जेठ १५ गते अन्तर मावि लोक गीत प्रतियोगिता आयोजना गर्ने

टुक्रे योजना कटौति गरिने मन्त्री जुग्जालीको भनाई

मुस्ताङबाट जम्मा २ हजार ९ सय ४ च्याङ्ग्रा बाहिरिए मुल्य भने छोइ नसक्नु