विहिबार, पौष २५, २०८१
घतानका नेपाली काँग्रेसका सक्रिय सदस्य मिजार एमालेमा प्रवेश
म्याग्दी । बेनी नगरपालिका –९ घतानका नेपाली काँग्रेसका सक्रिय सदस्य सम्मर बहादुर मिजार एमालेमा प्रवेश गर्नुभएको छ ।
काँग्रेसको राजनीतिमा क्रियाशिल दलित अगुवा काउलगौँडा निवासी मिजार शनिबार काँग्रेस परित्याग गरि एमालेमा समाहित हुनुभएको हो ।
नगर कमिटी सचिवालय सदस्य रुद्र रेग्मीको समन्वयमा मिजार एमालेमा प्रवेश गर्नुभएको हो । उहाँलाई नेकपा एमाले जिल्ला कमिटी सचिव सुरज केसीले अविर र खादा लगाएर स्वागत गर्नुभएको हो ।
प्रवेश कार्यक्रममा जिल्ला कमिटी सदस्य एवम् अनेरास्ववियुका प्रदेश संयोजक प्रकाश पौडेल, नेकपा एमाले बेनी नगर कमिटी सचिव सुवास विश्वकर्मा, उपसचिव लक्ष्मण कटुवाल, वडा नम्वर ८ वडा कमिटी उपाध्यक्ष डम्बर बानीयाँ, नबिन खत्री लगायतको उपस्थिति रहेको थियो ।
मिजारले अवको राजनीतिमा एमालेको बिचार र सिद्धान्त संग आवद्ध हुँदै घतानमा एमालेलाई जिताउनका लागि आफ्नो तर्फबाट सकेको सहयोग गर्ने प्रतिवद्धता जनाउनुभएको छ ।
Related posts
