विहिबार, कार्तिक २२, २०८१
बेनी नगरपालिका –१० पात्लेखेतमा एमालेका मस्विर रोका विजयी
म्याग्दी । म्याग्दीको बेनी नगरपालिका वडा नम्वर १० पात्लेखेतको अध्यक्षमा मस्विर रोका वियजयी हुनुभएको छ । अध्यक्षमा निर्वाचित हुँदा उहाँले ४६७ मत प्राप्त गर्नुभएको छ । उहाँका प्रतिस्पर्धी नेपाली काँग्रेसका शिव बहादुर शाहीले ४६० मत प्राप्त गरि पराजित हुनुभएको हो ।
७ मतको फरकले रोका वडा अध्यक्षमा विजयी हुनुभएको छ । त्यस्तै महिला सदस्यमा ४७२ मत प्राप्त गरि एमालेका उम्मेदवार जानकी शर्मा निर्वाचित हुनुभएको छ । दलित महिला सदस्यमा नेपाली काँग्रेसका सरिता विक पुनले ४६७ मत प्राप्त गरि विजयी हुनुभएको छ ।
खुल्ला सदस्यमा नेपाली काँग्रेसकै निर्मला मल्लले ४८१ र बेगबहादुर पाईजाले ४४७ मत प्राप्त गरि विजयी हुनुभएको हो । बेनपा १० बाट मेयर तर्फ एमालेका उम्मेदवार सुरत केसीलाई ४१० र गठवन्धनबाट काँग्रेसका उम्मेदवार चिरञ्जीवि शर्मालाई ५०४ मत प्राप्त भएको छ ।
त्यस्तै उपमेयरमा एमालेका पशुपति शाहीलाई ४२१ र गठवन्धनबाट नेकपा माओवादीका ज्योति लामिछानेलाई ३९५ मत प्राप्त भएको छ । पात्लेखेतमा २०७४ सालको स्थानीय तह निर्वाचनमा नेपाली काँग्रेसले जितेको थियो ।
Related posts
