म्याग्दी । जिल्ला भलिबल संघ म्याग्दीको अध्यक्षमा तेजेन्द्र बानियाँ निर्वाचित हुनुभएको छ । बेनीमा बिहिबार सम्पन्न भएको संघको ५ औं अधिवेशनबाट भलिबल प्रशिक्षक बानियाँको नेतृत्वमा संघ गठन गरिएको हो । बानियाँ यसअघि संघको उपाध्यक्ष हुनु्हुन्थ्यो । बानियाँले जिल्लाको भलिवल खेलको विकासमा महत्वपुर्ण योगदान पु¥याउँदै आउनुभएको छ ।

संघको उपाध्यक्षमा खड्क केसी र रत्न भण्डारी (राजकुमार), महासचिवमा कुमार किसान र कोषाध्यक्षमा बिष्णुकुमारी रोका चयन हुनुभएको छ । त्यस्तै कार्य समितिका सदस्यहरुमा मलिन रोका, राजकुमार शाही, सनमान जुग्जाली, मनोज खड्का, अप्सन रामजाली, गंगा तिलिजा, रुपेश सुन्दास र चित्र जुग्जाली रहनुभएको छ ।

नवनिर्वाचित कार्यसमितिको पहिलो बैठकले पालिका संयोजक पनि गठन गरेको छ । बेनी गरपालिका संयोजकमा खड्क केसी, सदस्यहरु रुपेश सुन्दास र मनोज खड्का, रघुगंगा गाउँपालिका संयोजकमा राजकुमार शाही र सदस्यहरु राजकुमार भण्डारी रत्न र गंगा तिलिजा चयन हुनुभएको महासचिव कुमार किसानले जानकारी दिनुभयो ।

अन्य पालिकाहरुको संयोजक र सदस्यहरु भने आगामी बैठकमा चयन गरिने उहाँले बताउनुभयो । अध्यक्षमा निर्वाचित बानियाँले जिल्लाको भलिवलको विकासका लागि विभिन्न योजना बनाएर काम गर्ने बताउनुभयो । उहाँले जिल्लाका खेलाडिलाई राष्ट्रिय स्तर सम्म पु¥याउनका लागि अभ्यास, प्रशिक्षण लगायतका गतिविधिलाई प्राथमिकताका साथ संचालन गर्ने प्रतिवद्धता जनाउनुभएको छ ।

Related posts

उद्यमी सिर्जना गर्न महिलाहरुलाई अचार बनाउने तालिम सुरु

गलेश्वरमा साढे तीन लाख बढी भेटी सङ्कलन

देउसीभैलोबाट सङ्कलित रकमले पुस्तकालय स्थापना

मोना कतारको आयोजनामा बक्तृत्वकला प्रतियोगीता सुरु

जिउँदो इतिहास घलानको गएराति निधन