म्याग्दी जिल्लाको बेनपा–९ राष्ट्रिय माबि घतानको नेप्टेचौरबाट २०६९ सालमा एलएलसी दिएको विद्यार्थीहरुको ब्याचले विद्यालयमा एक लाख रुपैयाँको अक्षयकोष स्थापना गरेका छन्। रोजगारीको शिलशिलामा विश्वका कुना कुनामा रहेका सबै साथीहरु मिलेर आ आफ्नो पारिश्रमिक तलवबाट शुरुवातमा १ लाख रुपैयाँको अक्षयकोष स्थापना गरेको र पछि कोषलाइ थप गर्दै जाने कोषका अध्यक्ष अर्जुन थापाले बताउनु भयो ।
साथै सो कोषको सञ्चालन गर्नका लागि थापाको अध्यक्षतामा अक्षयकोष सञ्चालन समिती समेत गठन गरीएको छ । समितीको उपाध्यक्षमा अमृता खत्री, सचिबमा सरोज सुबेदी, सह–सचिवमा प्रतीक चोखाल, कोषाध्यक्षमा मिलन कार्कि, सह–कोषाध्यक्षमा प्रशन्न चोखाल र सदस्यहरुमा सुनिल छिनाल, रबिन्द्र सुवेदी, कुशल थापा, प्रबिन चोखाल र भगवान कार्किलाइ चयन गरीएको छ । त्यसैगरी समितीको सल्लाहकारहरुमा शिक्षकहरू तारादेबी चोखाल बानियाँ, शंकर चोखाल, राजन बानियाँ र रामचन्द्र पौडेल लाइ चयन गरीएको समितीका सचिव सरोज सुबेदीले बताउनु भयो।

कोषमार्फत विभिन्न समयमा म्याग्दी जिल्लामा भईपरि आउने आपत बिपत, गरिब तथा जेहेन्दार बिधार्थीलाई सहयोग गर्ने र भबिस्यमा यस अक्षयकोष बार्षिक रूपमा बढाउदै जाने गरी पुर्व विद्यार्थीले अक्षयकोष स्थापना गरेको कोषका सललाहार शंकर चोखालले बताउनु भयो । साथै सोही ब्याचमार्फत घतानमा रहेको उपस्वाथ्य चौकिमा समेत कोरोना संक्रमण विरुद्ध लडिरहेका स्वाथ्यकर्मी र स्वयंसेवकहरुलाइ ५ सय थान मास्क, दुई सय जोडि ग्लोब्स् र छ लिटर सेनिटाइजर सहित विभिन्न स्वाथ्य सामाग्री सहयोग गरेको छ ।

Related posts

जनसन्देश अनलाइनको कार्यालय उद्घाटन

मंसिर १ देखि निर्वाचन अबधिभर म्याग्दीमा मदिरा बिक्रीवितरणमा रोक

घार र अर्मनमा गंगा जिसी फाउण्डेशनको स्वाथयसामाग्री सहयोग

कार्यालय ब्यवस्थापनमा भएको अबरोध र धम्कीप्रति महासंघको ध्यानाकर्षण

प्रेस चौतारी म्याग्दीको अधिबेशन पौष २७ गते हुने