म्याग्दी । नेकपा एमाले धौलागिरी गाउँपालिका वडा नं ६ को आइतबार सम्पन्न प्रथम वडा अधिवेशनले ज्ञान बहादुर गवुर्जाको अध्यक्षतामा नयाँ नेतृत्व चयन गरेको छ ।

नवगठित वडा कमिटिको उपाध्यक्षमा रघुनाथ उपाध्याय, सचिवमा लोक प्रसाद पुन, उपसचिवमा केशव गर्बुजा र अभिषेक गुरुङ्ग रहनुभएको अध्यक्ष मण्डलका अध्यक्ष धन बहादुर गुरुङ्गले जानकारी दिनुभएको छ ।

उहाँका अनुसार २ सदस्य पछि मनोनित गर्ने गरि २९ सदस्यीय वडा कमिटि सर्वसम्मत रुपमा चयन गरिएको छ । कार्यक्रममा धौलागिरी गाउँपालिकाका उपाध्यक्ष रेशम छन्त्याल, वडा अध्यक्ष राजाराम सुबेदी, अनेरास्ववीयु म्याग्दीका उपाध्यक्ष ईश्वर सुबेदी, लगाएत गाउँका अग्रज नेता तथा कार्यकर्ताहरुको उपस्थिति रहेको थियो ।

धेरै लामो समयपछि वडामा पार्टीको नयाँ नेतृत्व चयन भएको हुँदा कार्यकर्ताको उलेख्य उपस्थिति रहेको अध्यक्ष मण्डलका सदस्य ईश्वर सुबेदीले बताउनुभयो । धौलागिरीमा सहज वातावरणमा अधिवेशन सम्पन्न भइरहेको गाउँपालिका उपाध्यक्ष छन्त्यालले बताउनुभयो ।

Related posts

पहिरो मा परी २१ जनाको मृत्यु, कयौँ वेपत्ता

म्याग्दीका विकास योजनाको साझा प्राथमिकता निर्धारण गर्न मन्त्री जुग्जालीको प्रस्ताव

नवौँ राष्ट्रिय खेलकुदः महिला भलिबलमा एपिएफ र बाग्मतिको विजय सुरुवात

म्याग्दीको हितमा मोनाको अभियान अघि बढ्छः अध्यक्ष छन्त्याल

मगर विद्यार्थी संघ गण्डकी प्रदेशको दोस्रो अधिवेशनको तयारी अन्तिम चरणमा