सोमबार, पौष २२, २०८१
एमालेका उम्मेदवारद्वारा रघुगंगामा मनोनयन दर्ता
म्याग्दी । यहि वैशाख ३० गते हुने स्थानीय तह निर्वाचनमा रघुगंगा गाउँपालिकामा नेकपा एमालेका उम्मेदवारले मनोनयन दर्ता गर्नुभएको छ ।
सोमबार गाउँपालिकाको केन्द्र मौवाफाटँमा रहेको निर्वाचन अधिकृतको कार्यालयमा पुगेर अध्यक्ष पदको उम्मेदवारमा दीपक कार्की र उपाध्यक्षमा यामकुमारी गर्वुजाले मनोनयन दर्ता गर्नुभएको हो ।
एमालेले रघुगंगा गाउँपालिका–३ रानीपौवा निवासी कार्कीलाई अध्यक्ष र सोही वडाको मौवाफाँट निवासी गर्वुजालाई उपाध्यक्षमा उम्मेदवार बनाएको छ ।
एमालेबाट उम्मेदवार बन्नुभएका रघुगंगा १ बेगखोलाका अध्यक्ष धनबहादुर गर्वुजा, २ भगवतीका अध्यक्ष अमृत भण्डारी, ३ पिप्लेका अध्यक्ष खिमबहादुर शाही, ४ दग्नामका अध्यक्ष इन्द्रमान थजाली, ५ झिँका अध्यक्ष तेजु शेर्पुञ्जा, ६ पाखापानीका अध्यक्ष शम्सेर पाईजा र ७ चिमखोलाका अध्यक्ष रिम पाईजाले आफ्ना सदस्यहरु सहित उम्मेदवारी दर्ताका लागि पालिकाको केन्द्र मौवाफाँटमा आउनुभएको छ ।
केहि बेरमा बाजागाजा सहितको विशेष र्याली निर्वाचन अधिकृतको कार्यालयमा जाने तयारी गरेको नेकपा एमाले रघुगंगा गाउँपालिका कमिटी सचिव झलक शर्माले जानकारी दिनुभएको छ ।
Related posts
